自從六年前嚟左英國讀書先開始認識Lush呢個牌子，相信大家對佢印象好深刻既原因係因為一路過呢間店舖，一定會聞到超級濃烈既香味。起初，我只覺得它家既產品一定係好重香料，含有好多化學品，得個包裝靚，但原來它家既產品係全天然，無化學同及添加劑！真係好難得，一直以來我用既產品都好少數係全天然呢！試過Lush既幾個產品後，我就愈來愈喜歡，愈買愈多！係英國讀書或嚟英國旅行既你，一定要買嚟試下哦！係英國購買比香港既售價平成一半呢！
首先要講下我用過既產品， PS：我有d產品忘記左影相，只淨番個盒！ 記住，用完既黑色盒，儲夠5個清洗乾淨既空盒，攞番去任何一間門市，可以免費換購一盒原裝既新鮮面膜！
1) [新鮮面膜］Brazened Honey 檸檬蜂蜜面膜 75g £6.95 (約$80港幣）
官方資料：
官方資料：
官方資料：
主要成份 : 新鮮的生薑根、西芹、豆蔻和丁香等香薰精華油
功用：亮肌、排毒、去水腫，適合任何肌膚，特別適合睡眠不足及受壓肌膚
個人用後感：
我最喜愛既新鮮面膜！！！我好中意佢既香味，實在係太好聞了！雖然佢既成份係有生薑，但完全無薑既味道，反而好重香薰精油既香味。如果你喜歡精油香味既你，你一定會好中意呢盒面膜。乎完沖洗後，仍然會有陣精油味係面上。呢盒面膜好易推，好濕潤，甚至存放係雪櫃2個星期仍然濕潤。最最最重要係用完佢之後真係睇到效果，面部有光澤左，亮白左，面色明顯好左。係英國既呢個價錢，我覺得有咁既效果不算太貴。我一定會再回購呢盒新鮮面膜！非常推薦！
推薦：*****
乾爽度：****
保濕度：**
2）[新鮮面膜］Catastrophe Cosmetic 藍莓新鮮面膜 75g £6.95 (約$80港幣）
官方資料：
主要成份 : 異極礦粉、海洋海藻及玫瑰香薰精華油
功用：抗氧化、排毒及紓緩暗瘡，適合油性至中性及問題性肌膚
個人用後感：
呢盒面膜唔算得上係我既大愛，但我已經回購左兩次，係因為我男朋友話好中意呢隻面膜，係佢面上大致上好好，味道較清新。可能對於男性既朋友仔們會更喜歡它。我自己就認為呢隻面膜比較乾身，乎係塊面到三，四分鐘就已經掉粉粒，很麻煩呢！不過佢既效果我都頗滿意，都勉強適合油性肌膚的我。乎完洗淨後，皮膚明顯滑左，柔軟左，但會有一層薄薄的膜係你面上，我不太喜歡呢個感覺，可能乾性肌膚既朋友們更適合。不過明亮效果就無"檸檬蜂蜜面膜"咁明顯，佢都有減淡紅印既作用，但暗瘡既程況就沒有太大的幫助。呢盒面膜精油味很淡，適合唔太喜歡精油味既朋友們用。
推薦：***
乾爽度：*
保濕度：****
3) ［新鮮面膜］Cosmetic Warrior 蒜子兵法面膜 75g £6.95 (約$80港幣）
主要成分:蒜頭、茶樹精油、高嶺土、青提子、蜜糖及新鮮雞蛋。
功用：消炎抗敏、去除暗瘡紅印 — 全方位擊退面部的暗瘡紅 印、清潔肌膚、消炎及有效降低敏感性皮膚的問題。
個人用後感：
其實Lush既新鮮面膜我好多都好中意，味道又香， 款式又特別，效果又唔錯呢！呢一款mask有蒜頭成份，當然有一陣蒜頭味，雖然味道唔係好重，但如果你平時好唔中意蒜頭味，呢盒新鮮面膜就唔太適合你了！我個人覺得呢款面膜係我油性肌膚既面上效果唔錯，面上既暗瘡比平時消退得快，不過除左有呢個好處之外，我睇唔到其他特別明顯既效果。所以，我覺得呢盒面膜效適合面上一直有暗瘡既朋友，或正在青春期既朋友！
推薦：***
乾爽度：**
保濕度：**
4) ［新鮮面膜］Don't Look At Me 檸檬亮采面膜 75g £6.95 (約$80港幣）
主要成分:新鮮檸檬汁和突尼斯橙花，軟豆腐、大米糖漿和西柚精油
功用：可均勻及提亮膚色，塑造前所未有的細滑膚質
個人用後感：
呢一盒新鮮面膜係我買過既最失望既面膜！相信大家都會中意佢既香味，好清新檸檬味，以及女生一定會被佢螢光藍色吸引到(我就係個例子)。面膜帶有較粗身既粒粒，可以做磨沙，不過用完佢真係同無用過一樣，完全無效果，對皮膚完全無改善，無任何改變！我非常唔推薦大家入手，請慎重考慮！
推薦：*
乾爽度：*
保濕度：*
以上全部產品自購
♡ Follow Me
Blog: http://janicewingdiary.blogspot.com
Instagram: http://instagram.com/janicewing1323
17: janicewing
Youtube：Janice Wing https://www.youtube.com/watch?v=HULBr5jFp5s
留言
張貼留言