跳到主要內容

發表文章

目前顯示的是 8月, 2016的文章

[護腳]日本 Lucky Trendy 白嫩保濕足膜 Foot Mask

市面上有好多護腳既產品,不過由於我太懶喇!同埋我真係好唔中意有層cream係我隻腳度,所以行過銅鑼灣就買左呢款Foot Mask試!我係上年9月係銅鑼灣巴黎草莓買既,我買左20對腳膜,不過依家先做review! 日本 Lucky Trendy 白嫩保濕足膜 港幣$22一包 (2015年價錢)          呢包 Footmask係獨立包裝,一包有一對,超級方便攜帶,入camp,去旅遊都超級方便!我由細到依家,其實都好少搽野係隻腳到,我一唸起對腳痴泣泣就好唔舒服了!所以,我對腳好多乾紋,好唔滑,平時都唔敢著涼鞋,唔敢露腳趾。見到人地個個夏天著涼鞋咁舒服,我實在忍唔住要處理一下我對腳。 打開個包裝之後,入面就有個白色膠咁既野。包裝既後面就有說明點樣用,雖然上面寫既係日文,但上面四格公仔圖清楚顯示左點樣用,好簡單。 方法非常簡單,首先將白色舊野打開,就會變左上圖咁既形狀。然後,中間有條分割線,一開就能夠分開變兩隻! 之後就攞其中一隻,大開佢,以我所知呢款Footmask應該無分左右,隨便入一隻腳就可以了! 穿好哂兩隻之後,我就會等20-30分鐘,然後除出個mask,上下郁動隻腳,一邊吹乾,一隻瘦下腿呢!乾左之後好乾爽,你唔會覺得泣痴痴! 個人用後感: 我用過既腳部產品真係唔多,所以唔可以作比較。我覺得呢款Footmask既設計好好,好似對膠襪咁,襪既入面係棉棉地網狀既質地,包含精華液(透明薄身的),而出面係膠既質地。襪入面既精華液係唔會流出嚟,同埋咁樣包住隻腳中可以幫助吸收。而且,你中可以一邊敷着,一邊係屋企走嚟走去,又或者一邊煮飯,一邊敷都得!呢款Footmask係獨立包裝,入camp,或者去旅遊帶去都非常方便!尤其是呢d時間行路會較行得多,隻腳好需要保養下。對我嚟講最大既好處係夠快,又唔需要用手搽cream上隻腳度,又唔需要臨訓覺前先搽Foot cream,因為驚d cream 痴左地下d塵。依家講講佢既功效,其實就同你面上敷mask一樣,想佢保濕,明亮,減少乾紋等。我以前成日覺得,出街隻腳都睇唔到架啦!但原來係大錯特錯,尤其是香港夏天長過冬天,著涼鞋既時間分分鐘多過其他鞋,而且去沙灘,泳池游水,都好難避免要露腳呢!而且,要著好一對靚既露趾高踭鞋必定要襯埋一雙美麗既腳。我建議一個星期敷兩至三

[眼妝]KIKO MILANO 眼影筆·眉筆·好好用

今次係我第一次入手KIKO既產品,雖然呢間店已經係英國Manchester Arndale 商場開左幾個月,但一直覺得呢個牌子應該同Drugstore果d無咩分別,所以都無唸過試。但係我突然想買eyeshadow stick,因為去旅遊攜帶會比一盒盒Cream eyeshadow方便,又唔洗用手指或者掃上!同埋我覺得一盒盒果d cream eyeshadow放三,四個月已經乾左,愈來愈難推呢!跟著我就出去試下唔同牌子既 eyeshadow stick。首先,我試左幾個大牌子:Chanel, Bobbi Brown, Laura Mercier! 個人認為Chanel 太過 creamy 對於我油性肌膚嚟講好易溶。而Bobbi Brown 就適中d,不過texture同drugstore好似無特別大既分別咁,竟然要成二百幾蚊港幣一支!最後Laura Mercier caviar stivk eyeshadow 就係我最愛既一支,真係猶豫左好耐好耐,但係唸唸下一支等於 drugstore牌子既四,五支。最後,都係走左去Boots (英國大型 drugstore)試左NYX,買左支NYX Jumbo eye pencil,佢既texture真係好好,唔太creamy,但又好明亮,價錢又合理,不過我實在太懶太懶,呢支野要刨,唉!又覺得好麻煩,去旅行時唔記得刨又無得用!之後,又去搵下有無d唔需要刨既eyeshadow stick! 今日經過KIKO,見到好多人,跟住我又去睇下,原來佢有pomotion,買三樣products,之後送最平三樣,全部products都得,自己簡!所以我買左以下既產品試。       由左至右,分別係:       Long Lasting Stick Eyeshadow: £6.9 (約$80港幣)      05 Rosy Brown     16 Purple     17 Midnight Blue     36 Golden Mauve     37 Burgundy 搽左上手之後就係咁既色: 左圖係燈光下,右圖較暗光線下 個人用後感: 首先要講下佢個texture,真係我意想不到。佢唔會好creamy,個劃上眼時又好順而且好容易推開,等佢大概一分鐘左右,就已經完全

[Manchester]曼徹斯特餐廳

嚟左英國已經六年,當然食過唔少野,去過好幾間餐廳啦!呢兩年我就住係Manchester,想同大家分享一下我去過既餐廳。今次先分享早餐及下午茶先,其他晚餐,我再係下一篇分享啦! 1) Richmond Tea Rooms 相信大家嚟到英國都必定試一下品嚐英式下午茶吧!係下午休閒地食一個下午茶,真係一種享受!呢一間餐廳係以愛麗絲夢遊為主題,七彩繽紛既佈置,五顏六色既枱凳,女生必定好中意,建議男生們帶女朋友嚟哦!由於近期好多人介紹呢間餐廳,所以經常滿座,盡可能平日星期一至四,兩點至四點鐘呢段時間嚟踫踫運氣。當然,不單只係女生,連男生也很享受呢,像我男朋友一樣,他不停在影相。 如果想食早餐既你,記住早餐只供應到下午1點鐘! 我上面點既係Afternoon Tea(下午茶),呢個係全日供應哦! 我地兩個人,每天叫一個Set,我兩兩個人都簡左 "The Queen's Tea" 會包埋一㯛茶,包括:果茶,紅茶,綠茶,咖啡或凍飲選擇,我們就簡左一㯛果茶"Apple Tea" 和一㯛著名既英式茶"Earl Grey",整個set 每人 £18  上圖既左邊就已經係2 Set了!!看落去真係好少,不過吃得飽呢!最重要係餐廳裏既環境,佢係無時間限制,你中意食幾耐就幾耐。 呢個英式下午茶盤分三層,最底層係三文治(含蕃茄,青瓜,煙三文魚),中層係蛋糕及自家既果醬和奶油,最上層係甜點,果凍,馬卡龍。 我個人覺得下層既三文治很普通,而中層既蛋糕就非常好味,好鬆軟,最上層既甜點都唔錯。 如果你地有機會嚟到Manchester,又有時間,有budget既話,不仿試嚟試下! 地址 : Richmond Street, The Village, Manchester, M1 3HZ 網址 : www.richmondtearooms.com 2) Cloud 23 呢一間餐廳既重點係欣賞到全個manchester既美景!餐廳有供餐早餐,午餐,下午茶,晚餐,及酒吧。我地就選擇左佢既Afternoon Tea。一邊品嚐英式下手茶,一邊觀賞美景!個人覺得Richmond Tea Rooms既下午茶較好味,但我被呢度既景色吸引住呢! 我地叫左兩set &quo

[LUSH 新鮮面膜] 超級推薦,最喜愛之LUSH面膜

自從六年前嚟左英國讀書先開始認識Lush呢個牌子,相信大家對佢印象好深刻既原因係因為一路過呢間店舖,一定會聞到超級濃烈既香味。起初,我只覺得它家既產品一定係好重香料,含有好多化學品,得個包裝靚,但原來它家既產品係全天然,無化學同及添加劑!真係好難得,一直以來我用既產品都好少數係全天然呢!試過Lush既幾個產品後,我就愈來愈喜歡,愈買愈多!係英國讀書或嚟英國旅行既你,一定要買嚟試下哦!係英國購買比香港既售價平成一半呢! 首先要講下我用過既產品, PS:我有d產品忘記左影相,只淨番個盒! 記住,用完既黑色盒,儲夠5個清洗乾淨既空盒,攞番去任何一間門市,可以免費換購一盒原裝既新鮮面膜! 1) [新鮮面膜]Brazened Honey  檸檬蜂蜜面膜 75g £6.95 (約$80港幣) 官方資料: 主要成份 : 新鮮的生薑根、西芹、豆蔻和丁香等香薰精華油 功用:亮肌、排毒、去水腫,適合任何肌膚,特別適合睡眠不足及受壓肌膚 個人用後感: 我最喜愛既新鮮面膜!!!我好中意佢既香味,實在係太好聞了!雖然佢既成份係有生薑,但完全無薑既味道,反而好重香薰精油既香味。如果你喜歡精油香味既你,你一定會好中意呢盒面膜。乎完沖洗後,仍然會有陣精油味係面上。呢盒面膜好易推,好濕潤,甚至存放係雪櫃2個星期仍然濕潤。最最最重要係用完佢之後真係睇到效果,面部有光澤左,亮白左,面色明顯好左。係英國既呢個價錢,我覺得有咁既效果不算太貴。我一定會再回購呢盒新鮮面膜!非常推薦! 推薦:***** 乾爽度:**** 保濕度:** 2) [新鮮面膜]Catastrophe Cosmetic 藍莓新鮮面膜 75g £6.95 (約$80港幣) 官方資料: 主要成份 : 異極礦粉、海洋海藻及玫瑰香薰精華油 功用: 抗氧化、排毒及紓緩暗瘡,適合油性至中性及問題性肌膚 個人用後感: 呢盒面膜唔算得上係我既大愛,但我已經回購左兩次,係因為我男朋友話好中意呢隻面膜,係佢面上大致上好好,味道較清新。可能對於男性既朋友仔們會更喜歡它。我自己就認為呢隻面膜比較乾身,乎係塊面到三,四分鐘就已經掉粉粒,很麻煩呢!不過佢既效果我都頗滿意,都勉強適合油性肌膚的我。乎完洗淨後,皮膚明顯滑左,柔軟左,但會有一層薄薄的膜係你面上,我不太喜歡呢個感覺,可能乾性肌膚