JaniceWing 旅遊.彩妝.營養生活Blog

呢一年來，一直都好想買一支Chloe的香水。無論包裝，香水瓶的外型，以及香味， 都能突顯出高貴的象徵。雖然我並沒有像那些名媛高貴，有氣質，但是都想擁有一支 香水令自己多一點女人味吧。香水能令人對自己的第一印象增加好感，更深刻。 可惜，唸左好耐都覺得一支香水30ml 要£45 英鎊 (約 $540港幣)，實在捨不得入手。 後來，今個暑假番左香港，網上好多人話有隻廉價版Chloe classic味的香水，28ml只售約 $125-140港幣。 價錢相差成4,5倍！唸都無唸就係ig shop買左了。 Beauty Cottage (Memory Of Love 系列): 28ml 我買$130 Product Of Thailand （泰國製造）    我的用後感：推薦(****) 初初一開頭噴，覺得陣味係好香，但可能我一直太想要真正chloe隻香水，所以聞極都覺得 唔係太似，但後來每日都噴，開始覺得有7成左右相似。價錢相差成4，5倍，又點會100% 一樣呢，係咪？ 它的味很高貴大方，又唔太濃，唔會刺鼻，唔會有太老的感覺。 每次出街前，我會噴一下落頸，一下落兩隻手腕。它較維持久，香味大概可以維持4-5小時！ 缺點： 個人認為香水的噴頭 噴得不散，一噴好似一滴滴水噴出來咁。唔知道係唔係我呢一樽的問題呢？ 所以我的用法係噴完落頸同手腕，我會再用手指將滴出的香水推開，不過總括問題不大！ 最後，如果大家想買支平平地的香水自用或送給朋友，我非常推介大家入手一支beauty cottage的香水，它不單只香味拍得住貴價香水，而且整個香水瓶也很靚，好吸引！ 當然，如果你一向用慣名牌香水，就未必適合你的要求了。 我都會回購呢一支。不過噴左兩個月， 差唔多每日都 噴，但中係無左少少咁，超級耐用， 又排都唔洗回購住呢😊

7月入手左一盒在ig shop日本代購好賣的產品～日本出浴素顏蜜粉(藍色-玫瑰花香味）       (5個月後，中間開始見底，我每晚都用） 官方成份: 1) 蘊含透明質酸，膠原蛋白等滋潤成分 2）含玻尿酸 官方功效： 1）能締造自然素肌質感，展現素顏裸妝肌膚 2）用後如同無化妝一樣，但都能散發白裡透紅質感 3）24小時不用卸妝，也有護膚效果，連訓覺也可以使用 4）能夠隔離香煙的煙我和塵埃等對皮膚不良的影響，加強皮膚防禦力 5）增加肌膚透明感光滑度，蜜粉 修飾也能有護膚作用 個人使用方法： 1） 首先卸妝，潔面 2）然後用自己平時的護膚程序 3）切記要擦保濕 Gel 或 Cream （好重要） 4）最後就拍蜜粉上面 個人用後感：推薦(****) 一開始用對它有少少失望，因為起初可能擦唔夠保濕用品，鼻子有些脱皮，面部很乾的感覺。拍上的粉狀唔夠平均⋯ 但後來拍蜜粉前擦番多左 Hydrating gel 後，感覺好了點。我係混合性偏油肌膚，用了蜜粉皮膚變白，不過不會太誇張，都很自然。而且，有控油的效果，我起身時，面上沒有油光，反而有 滑滑的感覺。 不過如果毛孔較大，蜜粉不會做到零毛孔或收毛孔。它只有修飾面上少量瑕疵和面色健康d。 我只在訓覺時及坐長途飛機時用這盒蜜粉，它的粉很幼細，透明白色的，所以比較自然， 並沒有防矖。 我喜歡它淡淡的玫瑰香味，很有少女感。而且整個盒子的設計，外型很吸引呢。 若果你的皮膚沒有太多瑕疵的話，偽素顏是可以的。 但如果太多（例如：暗瘡，毛孔粗大)，反而會有少許浮粉，不自然的效果。 下圖（左邊）擦上日本出浴素顏蜜粉，（右邊）沒有擦任何產品 效果好明顯，左邊手偏白滑，修飾左，膚色更有光澤，減少暗黃。雖然粉質不太幼細， 但拍完上面後過半個鐘左右，素顏 粉會好貼服，白色也會減少左。 溫馨提示： 拍素顏粉前，一定要等之前臉上的護膚品完全吸收先。如果唔係，拍完素顏粉後，過一陣， 你會發現臉上會有一塊塊白色凝結左的粉，再摸下塊臉，會發覺有些擦膠碎的物體出現。 係ig shop 見到大概 $125-140左右一盒，一盒很耐用