[餐廳推薦] 桔梗 Jie Genge 最近肺炎時期,，又去唔到旅行要留喺香港，真係好悶冇乜嘢做。通常假期都出去食下野，輕鬆下！最近就聽過好多人講呢間餐廳，聽講呢有間餐廳大排長龍(不設訂座)，就忍唔住去試吓係咪真係咁好食啦！? 呢一間餐廳位於旺角，都好就腳好方便，地理位置相當好，約朋友或者同情侶一齊就最適合不過啦，主要係因為佢不設時限時限( 鍾意 坐幾耐都得)，絕對係一個可以同朋友傾好耐計嘅地方。桔梗係一間台灣嘅文青cafe，一行到入去感覺完全唔似係香港，成間店舖好大，好有空間感，喺旺角呢啲租金咁貴嘅地方，竟然可以有一間咁空曠嘅cafe，實在太不可思議！雖然座位都尚算多但係都係經常爆滿，所以要預留時間排隊啊！ 今次就同男朋友嚟試咗呢一間餐廳，呢間餐廳亦都係影靚相嘅好地方！ 我哋兩個人叫咗兩個主菜加一杯嘢飲。 1）桔梗奶昔 ＄58 奶昔的口味每天都不同，我哋今次係士多啤梨奶昔。雖然佢叫做奶昔，但係我覺得飲落去似新鮮水果嘅smoothie，飲落去好新鮮好健康，最重要係唔會好甜! 我個人最鍾意就係粉紅色，杯嘢飲真係好有少女味，完全唔捨得飲! 2） 蘋果照燒鐵板豬 $98 整個豬仔包覺得好脆好香口，配搭生菜、菠蘿、蘋果、豬扒同溫泉蛋，甜甜酸酸令到個豬扒食落去一啲都唔油膩，而且豬扒好林好容易咬！好鍾意呢個配搭好特別好清新。平時唔鍾意食麵包三文治嘅我，都好推薦叫呢一個! 3） 龍蝦哥哥意粉 $108 鍾意食龍蝦蕃茄意粉嘅你一定會好鍾意呢一個，唔好以為龍蝦意粉啲龍蝦一定會好少，呢啲醫生上面差唔多有六七舊龍蝦仲要好厚肉大大嚿，仲要好新鮮添，平時最怕食龍蝦就係要剝殼，依家仲要 剝 好晒啖啖肉。佢嘅蕃茄汁都好龍㗎仲要係用新鮮蕃茄去整，完全唔係用茄汁，調味啱啱好唔會太咸。意粉嘅 煙韌度 掌握得好好唔會太硬亦唔會太林。 我一定會再嚟食呢一間餐廳再試吓佢其他嘅嘢食！呢間餐廳真係好推薦比大家。 https://www.openrice.com/zh/hongkong/r-桔梗-旺角-多國菜-甜品-糖水-r626536 地址 旺角砵蘭街160號地下至2樓