［敏感皮膚］Trilogy Botanical Body Wash 500ml玫瑰果油淋浴液

踏入秋冬，皮膚自然會容易乾燥，痕癢，有時更會脫皮。所以我用既沖涼液都會由乾爽型變用滋潤型。我一向對沖涼液無咩要求，清潔到就得，但慢慢發覺，沖涼液都可以令身體更柔滑，膚色更光澤呢！而且，沖涼液的香味原來真係可以令身體放鬆，和舒緩壓力，心情更佳！

上2個月，用完Lush 的 IT'S RAINING MEN shower gel ，它都係一支滋潤型的沖涼液，不過味道很甜，可以睇番呢篇文章。

Trilogy Botanical Body Wash 500ml 購自英國£12.4(約港幣$145)，原價£16.5

12月轉左用Trilogy呢隻Botanical Body Wash，我一向非常中意Trilogy呢個新西蘭出產的產品，因為佢既產品全天然，價格親民，最重要係好有效果！見有25% off 的折扣，所以買左了。Trilogy的產品大多是啡色瓦面的樽身，有效把裏面的產品保質，防止光線影響質量，呢支沖涼液都不例外！佢係瓦面膠樽不是玻璃樽呢。我通常每天早上，及晚上都用，每次用 3-4 pump，依家用左3個星期，差唔多用左呢支的3份1左右。所以一支大概用到兩個幾月。

佢既質地係厚厚透明的啫喱狀，，比較"傑身"，但由於佢係gel狀而不是Cream狀，所以好易推！佢既香味我超超超愛，係好似你平時去Aesop呢間店聞到既精油，薰衣草味咁，沖涼時非常Relax，舒緩壓力，頭痛!

可以睇到佢唔會出好多泡泡！

個人用後感：

呢一支沖涼液我一定回購再回購！佢實在太好用。首先，佢既精油加入薰衣草既味道，真係一D都唔假，好天然既香味！由於香味不太濃，所以不會係身上維持好耐，大概2個鐘左右吧！沖完沖之後，即時有柔滑，去角質既效果，而且如果天氣唔係勁乾，幾個鐘唔搽Body lotion都頗夠滋潤。最重要係，我的背部同手臂粒粒明顯少左，皮膚有去暗黃。每天既呢個季節，我係英國時，手臂都會出濕疹，紅紅腫腫。用完呢支沖涼，有些少舒緩，適合敏感皮膚使用。如果你做身想買一支精油的沖涼液，如：Aesop，但因為價格太貴而唔想買，超級推薦你買呢支呢！Trilogy的產品真係非常唔錯，嚟緊會繼續試埋它家的Vital Moisturising Cream 同 Night Cream！

留言

這個網誌中的熱門文章

【Lasik 傳統激光矯視】手術失敗？睇嘢矇朧? 後遺症! 一年半後手術後感受及現況｜眼檢板線堵塞｜嚴重眼乾症有救了? | 伍立祺醫生醫治眼乾...

我2019年6月做了 Lasik 傳統激光矯視，現在已經有一年半多，之後一直都睇唔清楚野，好朦！由於眼角膜薄左，導致有嚴重眼乾症。之後嘅一年嚴重嘅眼乾症令到我完全做唔到嘢，非常痛楚，有好幾次連眼都開不到！那時候真的好後悔做了激光手術。藉住呢段YouTube片，希望嚟緊想做傳統矯視激光手術嘅朋友，要做好心理準備，諗清楚自己對眼究竟適唔適合做，千其唔好人做你又去做啊！做完手術之後，淨係睇邊個醫生都用左萬幾二萬蚊，真係俾錢貼難受！最好做激光矯視之前，做一部機睇吓自己眼檢板線有沒有堵塞。由於我眼檢板線堵塞，令到眼檢出唔到油脂，眼淚水蒸發得好快，基本上我要每15分鐘就要滴一次人造眼淚水，心知最後要用類固醇眼藥水，修復受損的眼角膜！經過九個月之後，知道原來我平時做開皮膚的那部機， M22彩衝光機，已經過FDA認證，現時英國已用來治療眼乾症！一個療程為三次，每次相隔三星期，一個療程可維持九個月至一年。我現在已做完一個療程，暫時維持到，現在不需要每15分鐘就得一次眼淚水，大約兩小時第一次。現在眼乾症已改善了很多，雖然有時候還是會眼睛很乾，並且不能晚上太夜睡覺，一定要有充足睡眠眼睛才不會乾。我非常推薦有眼乾症的朋友嘗試這部 M22彩衝光機！！ *推薦伍立祺醫生醫治眼乾症, 這間診所的眼藥水比出面萬寧同藥房平診所參考: https://www.eyehealth.com.hk/tc/ Product Mentioned: 眼藥水: 1) ikervis 1 mg/mL eye drop emulsion (HKD$800, 購自診所) 2) Cationorm Eye drops, emulsion (HKD$70，普通藥房有售) 3) HYLO Gel (HKD$ 150, 萬寧有售) 4) HYDRELO Dual Action Lubericant Eye Drop (HKD$180, 購自診所) 5) Tarivid ophthalmic ointment 3.5g (HKD$80, 購自診所) 抗生素藥物： 1） Doxycycline(德霸黴素膠囊)100mg/cap * Doxycycline 是一種「四環素類」的抗生素，治療因細菌感染引起的發炎營養補充品（全部自購) 1）Charenda – 葉黃素30+...

閱讀完整內容

[德國] 德國戰利品，必買護膚品

F2015年聖誕假期去左德國(科隆，法蘭克福，海德堡，羅騰堡，紐倫堡，柏林）17/12-24/12，以下係我係德國買左既產品呢！德國每個city幾乎行到邊，隔一，兩條街都會見到一間藥妝店(門口有個好大的十字標誌)，除非特別細間，如果唔係間間幾乎所有產品都整既。Dr. Hauschka 德國世家就一定要係藥妝店先買到哦！而其他護膚產品因為係DM的自家品牌，所以要係Dm先買到。Dm 係一間好似香港的「萬寧」，「屈臣氏」，可以買到開架式既護膚品。因為價性較低，所以入手左好多，買既時候都遇到不少香港人掃貨呢！他們入手比我更誇張呢！我大部分產品都未用，我之後用完用再同大家分享！ Dr. Hauschka 德國世家我就買左4樣產品試。我無係香港專櫃睇過幾錢，但一直係英國都想試佢既產品，不過實在太貴了，比得上大牌吧，所以一直都無買。 1） Lip Care Stick 律動護唇膏 4.9g €7.5 (約港幣$63)，英國買要£9.5 個人用後感：推薦（****）我去德國時係12月，天氣都較乾燥，我中要唔記得帶潤唇膏添，嘴唇非常乾，又脫皮！我用左德國世家律動護唇膏後，真係好有效，好潤但唔會好厚重，唔泣唔油！佢帶有少少水果既香味，但唔會好假！真心推薦！ 2） Cleansing Cream 律動洗面奶 50ml €11(約港幣$92)，英國買要£15.5 個人用後感：呢一支cleanser佢既質地係粉紅色cream狀，唔算太cream，佢有一點點細細既粒狀，當你洗面時，會有做到磨沙既效果，但粒子很柔軟，所以不會有痛楚。呢支cleansing crean既用法係將適量cream放在手掌，然後加點暖水，再在面上打圈。佢完全沒有泡泡出現，而且感覺完全沒有清潔力，最重要係用清水洗淨後，好似有層油/膜係皮膚上，好唔清楚，好唔舒服。可能對於乾性肌膚既朋友們係冬天用會適合，但對於混合性或油肌就一定要慎重考慮！推薦：* 乾爽度：* 保濕度：** 3) 玫瑰日霜(清爽型）Rose Day Cream Light 30ml €19(約港幣$158)，英國買要£29.5 個人用後感：我非常喜歡呢支玫瑰日霜(輕盈版)，本身我自己好唔中意早上用日霜，通常...

閱讀完整內容

[身體護理］Lush IT'S RAINING MEN 我愛蜜糖兒沐浴露

Lush IT'S RAINING MEN Shower gel 我愛蜜糖兒沐浴露 250ml (購自英國 £9.75約港幣$120）參考價格： 100g：£4.95(約港幣$60） 250g：£9.75(約港幣$120） 500g：£16.5(約港幣$200） 1Kg：£27.95(約港幣$336）個人用後感：呢一支沖涼液係Honey的黃色，佢真係含有蜜糖呢！我都好中意呢隻味，甜甜的，好有童真的感覺。不過如果你好抗拒糖果味或香甜味，你未必會愛上它，因為它的甜味都很濃郁。它較適合年輕的青年吧！另外，它的起泡度很強，好上面圖片的份量應該足夠清潔全身。佢既質地真係有點似蜜糖，不太流質，較厚身。用完之後，皮膚明顯滑左，滋潤度唔錯，非常適合秋冬使用。當然，呢支沖涼液無去暗黃抗氧既功效啦！但係，價錢偏貴，如果要有滋潤既效果，其他牌子都可以做到，只係除非你特別喜歡呢個香甜既味道，咁就只有Lush獨有。我好喜歡Lush的產品，它家的所有產品全天然，而且有很多不同種類，對於其他大牌嚟講，價錢還適中，效果都頗滿意！大家不仿睇睇我曾用過Lush的Blog啦！Lush既產品真係好少特價，唔會好似The Body Shop咁成日都有Offer！推薦：**** 乾爽度：*** 保濕度：**** 以上全部產品自購 ♡ Follow Me Blog: http://janicewingdiary.blogspot.com Instagram: http://instagram.com/janicewing1323 17: janicewing Youtube：Janice Wing https://www.youtube.com/watch?v=HULBr5jFp5s

閱讀完整內容

JaniceWing 旅遊.彩妝.營養生活Blog

搜尋此網誌