Lush Angels On Bare Skin 100g £6.95 (約$80港幣) 購自英國
個人使用感：
lush的產品一向簡單的包裝，而且全天然沒有加工。好適合唔中意用化學品的朋友呢！呢盒洗臉產品，我對它又愛又恨。它的香味我非常喜歡，帶點甘香，也有點花香。 但是用起來真的的有點不知所措。它的質地有點似泥mask，但沒有泥mask咁濕，只有一點輕微水份。攞大概上圖的份量，然後加點水，用另一隻手撈暈佢。問題就係度，因為呢個洗臉泥唔個有泡泡，而佢一樣都係水狀，未擺落塊臉，已經有好多從隻手流走了！不過用完佢之後，塊臉滑了一點，清潔好還可以，但油性皮膚就要考慮一下，秋冬天用還可以，但夏天就可能要用完後再用去油力強的清潔產品洗多一次，呢個就係我既做法。因為有好多洗臉的產品有去角質或去黃效果很好，但用完臉上仍然有點油，所以我再用乾身少少的洗臉膏再洗一次，雙重效果！
推薦：**
清潔度：**
保濕度：***
乾爽度：*
日本Kanebo suisai 酵素洗顏粉 $150港幣（購自香港ig shop）
個人用後感：
最近開始興起酵素的洗面產品，我都忍唔買左一盒32粒裝試下呢！ 我好中意佢係獨立包裝，而且亦係粉狀唔係液體，去旅行或坐長途機時，好方便係手袋，手提行李擺一，兩粒。佢既清潔度頗高，對乾性肌膚嚟講可能會有點兒乾，但絕對唔會。相反，對我既混合性偏油肌膚嚟講簡直係岩岩好！洗完之後好乾爽，皮膚有少少滑左。
推薦：****
推薦：****
清潔度：****
保濕度：**
乾爽度：*****
Shiseido 「專科」 Perfect Wipe 超微米潔面乳 120g $33港幣
個人用後感：
相信大家對呢支洗臉乳都唔陌生，係香港既萬寧，屈臣氏，美妝店，ig shop等都一定見過佢。佢係100% Made in Japan，係日本好紅既開價品牌！我每次行過都會好自然咁留意到佢，因為佢既價格實在很平宜，$33-38蚊，中要係Made in Japan日本製造，係Shiseido出既產品！真係唔敢相信！兩年前去台灣，我媽瘋狂地買左10支番香港，平均$26蚊港幣一支。依家講下佢既質地先。佢係白色較厚身的膏狀，只要好少份量就能夠出到好多泡泡，而且泡泡非常濃厚。一支早晚用，我都用到9-10個月。首先，我覺得佢較乾，適合我既混合性偏油肌膚使用，去油程度滿分，非常清爽，較適合夏天使用，秋冬可能滋潤度會唔夠，但之後用番cream就可以了。乾性肌膚絕對唔見議使用！我覺得清潔度中等，就咁用佢還會覺得有點污垢，但如果加埋Foreo洗臉機，清潔度就更好。我既使用方法係首先用去黃或抗氧既洗臉產品，然後最後再用Perfect Whip洗臉乳，因為去黃既產品有時不太乾爽，但又好需要用，所以之後用番去油既產品就兩個功能都做到了！
推薦：****
清潔度：***
乾爽度：*****
保濕度：*
EVE LOM Morning Time Cleanser 50ml (Set裝）購自英國
個人用後感：
EVE LOM大家最為認識應該係佢既明星產品Cleanser(全世界最好用既卸妝膏)吧！而呢一支係EVE LOM Morning Cleanser，係早上用既洗臉膏。佢既質地同它家既Cleanser好相似，都係似豬油膏咁，不過無咁厚身。我第一次用既時候，不停唸：死啦我係油性肌膚，再用油狀既野洗臉會唔會唔掂。但出乎我意料之外，洗完塊臉一點兒都唔油唔泣！一塗上塊臉，會油光滿臉，大概用雙手卒30秒，用暖水清洗，之後塊臉非常柔軟，清潔力非常好，黑頭明顯少左。暗瘡都意外地少左！用過EVE LOM品牌既人都知道佢既價錢並不平宜，但聖誕既CHRISTMAS SET就非常抵買，等同於3折，所以我每年聖誕先會入貨！使用方法：整個洗臉過程乾手乾臉，不要沾水，最後先用暖水洗掉留在臉上既洗臉膏！如果加左水落洗臉膏，反而會變得很難推，油油泣泣，所以緊記要乾手乾臉哦！
推薦：*****
清潔度：****
保濕度：****
乾爽度：****
Liz Earle Hot Cloth Cleanser 100ml (購自英國Boots藥妝店) £14 (約$160港幣）購自英國Boots
個人用後感：
呢個牌子相信唔係咁多人認識，因為香港好少賣，但英國就應該頗多人認識吧！佢係白色厚身膏狀，同EVE LOM Morning Cleanser一樣都係要乾手乾臉使用。佢既香味清新，有點似清草加薄荷味。同EVE LOM 比佢無油狀物，但佢清潔力無EVE LOM咁好，黑頭沒有清除。不過佢無eve lom 咁油，而且香味比eve lom更易接受。如果話呢支洗臉膏可以卸妝，我覺得唔夠乾淨吧！而且佢較適合乾性肌，油性肌膚就要考慮一下吧！當你用完暖水洗淨後，佢會有層膜係你臉上咁，油性肌膚應該會覺得泣！反而乾性肌膚能夠滋潤到肌膚。100ml係pump裝，我無次用2pump左右，早晚用，夠我用到3-4個月。佢都係乾手乾面用，一分鐘後，可以用暖水濕左它家也既塊毛巾，然後輕輕抹，重複三次，然後可再用溫水清洗。
推薦：***
清潔度：***
保濕度：****
La Roche-Posay purifying foaming gel for oily sensitive skin 200ml ,下圖成set買，聖誕特價£14.5 (約港幣$170）購自英國Boots藥妝店
一睇支野個名就知道係適合油性肌膚用啦！ 支前買左佢好出名果支Effaclar Duo [+] ，然後贈送左支sample size比我試用，我幾中意夏天時用佢。不過，我覺得唔單止油肌適合用，中性肌膚都適合。佢無油份，亦唔係膏狀，係啫喱透明既洗面產品，唔會出好多泡泡。用完佢反而無咁乾爽，但有保濕既感覺。呢支洗面gel好適合有暗瘡時使用，有少少舒緩既效果，雖然效果不算明顯，但至少唔會有痛感，幾舒服。非常推介有敏感肌膚既你，無香味呢！
推薦：****
清潔度：**
保濕度：***
乾爽度：*****
Simple Kind to Skin Vital Vitamin Foaming Cleanser 150ml 特價£2.99 (約港幣$35）購自英國Superdrug
個人用後感：
雖然Simple係drugstore產品，唔好睇佢價錢咁平，唔好以為平野無好！呢支泡沫洗面乳真係又平又好用！係英國既你，或者去英國旅遊既你，必買既產品之一！呢支洗臉洗面泡沫係pump裝設計，每次一，兩pump就已經好足夠。依家就講下佢既質地，佢既泡沫質好厚身，柔軟細膩。保濕能力好好，但又唔會笠，好滋潤，適合春天，夏天使用。過完水清洗後，皮膚非常滑，好有彈性，非常舒服。佢有維他命E，甘油，洋甘菊既成份。我非常推介呢支洗面泡沫，好適合依家春季使用！亦都好適合懶人使用呢！
推薦：*****
清潔度：****
保濕度：*****
乾爽度：*****
以上全部產品自購
♡ Follow Me
Instagram: http://instagram.com/janicewing132317: janicewing
Youtube：Janice Wing https://www.youtube.com/watch?v=HULBr5jFp5s
留言
張貼留言