跳到主要內容

［眼部護理］眼霜大比拼

對我嚟講，我會希望用既眼霜可以消除到眼腫，黑眼圈！暫時我眼部中未有出現細紋，所以唔能夠睇到以下既產品有無解決到細紋。
1）The Body Shop Drop of Youth Eye Concetrateion 10ml (原價£19，六折後£11.4，約$130港幣）購自英國


個人用後感：
佢既質感好好，好似gel狀，好水潤，完全唔油唔泣，絕對唔會有起油脂粒既問題！呢支眼部精華樽頭有粒棍動珠珠，可以按摩眼部，珠珠轉動得頗順暢，頗舒服呢！我已經用完一支，不過呢支眼部精華，但係係我眼部並沒有消除黑眼圈以及眼腫既作用！同埋佢支野個設計有少少問題，支支都唔同，未必支支都有呢個問題發生。問題係佢個棍動珠珠旁邊既白色邊，有時候買番嚟時已經崩咗，或有瑕疵，好容易刮到眼皮，由於眼下面皮薄，所以有刺痛的感覺，不過唔係支支都會係咁，買既時候記得睇清楚哦！一支早晚用，每次每邊眼我只用半pump，大概都用到四至五個月！不過，我暫時都應該唔會回購住！
P.S. The Body Shop 係英國經常有pomotion，六折至七折不等，買之前記住係google search "The Body Shop voucher code uk" ，通常簡頭個幾個岩用既code，比錢既時候講個code比個code個收銀員睇，佢就會幫你整discount架喇！
推薦：**
保濕度：***
易推度：***

2）Biotherm AQUA SOURCE eye perfection 

個人用後感：
一支非常好用，我超級推薦既眼霜！佢既質感都係gel狀，比The Bodyshop果支更薄。而且，呢支眼部精華樽頭有三粒棍動珠珠，按摩得更舒服！用既時候，感覺更涼快。佢既質地同上面bodyshop 果支差唔多，都係透過薄身既精華。佢不單是對我的黑眼圈有幫助，更可以消除眼腫！有時候，我只訓3，4個鐘，用左佢，起身時隻眼唔會乾，唔會腫呢！佢呢個頭既設設好好多，我已經用完三支，但暫時每支都無瑕疵，好順又唔會刮眼。呢支眼霜都可以用到半年，所以我覺得呢個價錢合理。我最中意d眼霜唔需要用手指搽，呢款又好推，又方便，非常推薦！一年四季我都覺得好適合。依家好似已經唔再出！！好失望，好難得搵到一支咁適合我既眼霜！
推薦：*****
保濕度：***
易推度：****

3）Kiehl's Eye Alert 15ml £22.5 (約$260 港幣）購自英國

個人用後感：
用呢支眼霜的方法就係用手指搽落眼底，佢既質地較厚身，如果你搽得太厚的話，會覺得好lup。用係我眼底並沒有任何功效，佢聲稱可以消除黑眼圈，但一點都無消除到呢。而且價錢唔平，又無太大功效，真係有點兒貴！買之前最好去門市試一試，睇下適唔適合先買哦！

推薦：*
保濕度：****
易推度：***
4）Lancome Advance Genifique Eye Cream 15ml £40 (約$460港幣) 

個人用後感：
雖然呢盒眼霜係我買Lancome產品時送既禮品，但係細細盒都可以用到3個星期！係英國百貨公司House of Fraser，任何買兩件產品就送一set試用裝，裏面包括左呢盒眼霜。佢係白色半cream狀，半Gel狀既，比Biotherm既厚身，但比Kiehl's既薄身。呢款眼霜都係用手指上，然後推開，佢既質地好容易推開，我相信如果你有少少乾紋呢一盒眼霜都應該幾適合你。我自己就最中意秋冬用佢。不過，佢都係對我既黑眼圈，眼瘇無咩幫助！

推薦：**
保濕度：***
易推度：****

5）Ole Henriksen Ultimate Lift Eye Cream 15ml £32 (約$350港幣）購自英國

我呢盒眼霜係連洗面，面霜，晚霜成set買，所以得7ml！

個人用後感：
呢款眼霜係淺藍色，啫喱狀。搽上眼底既時間會有少少痴泣泣，但好快乾，乾左之後就唔會再有痴泣泣既感覺。佢既感覺都幾舒服，都對頭瘇有少少幫助，但黑眼圈就沒有太大分別。我會幾建議有少少乾紋既人試下。我自己亦只會在秋冬既時間先用，因為對於混合性偏油肌膚既我，我都係中意用d薄身d既野呢！

推薦：***
保濕度：****
易推度：***

6）Loccitane Precious Eye Cream 15ml £32 (約$370港幣）
呢一盒係我買Loccitane其他產品時佢送既Sample！

個人用後感：
我唔太喜歡呢一隻眼霜，可能因為佢較適合年紀大少少既人使用。佢既質地係cream狀，對我嚟講佢好油，好泣！呢一款可能真係適合d乾紋好勁，有皺紋既人使用，對於我廿幾歲嚟講真係唔適合！

推薦：*
保濕度：**
易推度：***

7）Balea AQUA Eye Roll-On 眼部滾珠露 15ml €3.95 (約$33港幣）購自德國

  

個人用後感：
銀色的滾珠轉動得非常順，而且非常涼既感覺！可能我黑眼圈唔算勁，所以我睇唔到黑眼圈有無減少到。但眼腫既問題減少左，而且好舒緩到眼睛疲倦！價錢平宜，非常值得入手！

推薦：****
保濕度：***
易推度：****

有興趣可以參考我 德國戰利品，必買護膚品 果篇文章！

以上全部產品自購
  
♡ Follow Me
Blog: http://janicewingdiary.blogspot.com
Instagram: http://instagram.com/janicewing132317: janicewing
Youtube：Janice Wing  https://www.youtube.com/watch?v=HULBr5jFp5s

標籤：

留言

張貼留言

這個網誌中的熱門文章

[德國] 德國戰利品，必買護膚品

F2015年聖誕假期去左德國(科隆，法蘭克福，海德堡，羅騰堡，紐倫堡，柏林）17/12-24/12，以下係我係德國買左既產品呢！ 德國每個city幾乎行到邊，隔一，兩條街都會見到一間藥妝店(門口有個好大的十字標誌)，除非特別細間，如果唔係間間幾乎所有產品都整既。Dr. Hauschka 德國世家 就一定要係藥妝店先買到哦！ 而其他護膚產品因為係DM的自家品牌，所以要係Dm先買到。Dm 係一間好似香港的「萬寧」，「屈臣氏」，可以買到開架式既護膚品。因為價性較低，所以入手左好多，買既時候都遇到不少香港人掃貨呢！他們入手比我更誇張呢！ 我大部分產品都未用，我之後用完用再同大家分享！ Dr. Hauschka 德國世家 我就買左4樣產品試。我無係香港專櫃睇過幾錢，但一直係英國都想試佢既產品，不過實在太貴了，比得上大牌吧，所以一直都無買。 1） Lip Care Stick 律動護唇膏 4.9g €7.5 (約港幣$63)，英國買要£9.5 個人用後感： 推薦（****） 我去德國時係12月，天氣都較乾燥，我中要唔記得帶潤唇膏添，嘴唇非常乾，又脫皮！我用左德國世家律動護唇膏後，真係好有效，好潤但唔會好厚重，唔泣唔油！佢帶有少少水果既香味，但唔會好假！真心推薦！ 2） Cleansing Cream 律動洗面奶 50ml €11(約港幣$92)，英國買要£15.5 個人用後感： 呢一支cleanser佢既質地係粉紅色cream狀，唔算太cream，佢有一點點細細既粒狀，當你洗面時，會有做到磨沙既效果，但粒子很柔軟，所以不會有痛楚。呢支cleansing crean既用法係將適量cream放在手掌，然後加點暖水，再在面上打圈。佢完全沒有泡泡出現，而且感覺完全沒有清潔力，最重要係用清水洗淨後，好似有層油/膜係皮膚上，好唔清楚，好唔舒服。可能對於乾性肌膚既朋友們係冬天用會適合，但對於混合性或油肌就一定要慎重考慮！ 推薦：* 乾爽度：* 保濕度：** 3) 玫瑰日霜(清爽型）Rose Day Cream Light 30ml €19(約港幣$158)，英國買要£29.5 個人用後感： 我非常喜歡呢支玫瑰日霜(輕盈版)，本身我自己好唔中意早上用日霜，通常...
1 則留言
閱讀完整內容

【Lasik 傳統激光矯視】手術失敗？睇嘢矇朧? 後遺症! 一年半後手術後感受及現況｜眼檢板線堵塞｜嚴重眼乾症有救了? | 伍立祺醫生醫治眼乾...

我2019年6月 做了 Lasik 傳統激光矯視，現在已經有 一年半多 ，之後一直都睇唔清楚野，好朦！由於眼角膜薄左，導致有嚴重眼乾症。之後嘅一年嚴重嘅眼乾症令到我完全做唔到嘢，非常痛楚，有好幾次連眼都開不到！那時候真的好後悔做了激光手術。藉住呢段YouTube片，希望嚟緊想做傳統 矯視 激光手術嘅朋友，要做好心理準備，諗清楚自己對眼究竟適唔適合做，千其唔好人做你又去做啊！做完手術之後，淨係睇邊個醫生都用左萬幾二萬蚊，真係俾錢貼難受！最好做激光矯視之前，做一部機睇吓自己 眼檢板線有沒有堵塞。 由於我 眼檢板線堵塞，令到眼檢出唔到油脂，眼淚水蒸發得好快，基本上我要每15分鐘就要滴一次人造眼淚水，心知最後要用類固醇眼藥水，修復受損的眼角膜！ 經過九個月之後，知道原來我平時做開皮膚的那部機， M22彩衝光機，已經過FDA認證，現時英國已用來治療眼乾症！一個療程為三次，每次相隔三星期，一個療程可維持九個月至一年。我現在已做完一個療程，暫時維持到，現在不需要每15分鐘就得一次眼淚水，大約兩小時第一次。現在眼乾症已改善了很多，雖然有時候還是會眼睛很乾，並且不能晚上太夜睡覺，一定要有充足睡眠眼睛才不會乾。 我非常推薦有眼乾症的朋友嘗試這部 M22彩衝光機！！ *推薦伍立祺醫生醫治眼乾症, 這間診所的眼藥水比出面萬寧同藥房平 診所參考: https://www.eyehealth.com.hk/tc/ Product Mentioned: 眼藥水: 1) ikervis 1 mg/mL eye drop emulsion (HKD$800, 購自診所) 2) Cationorm Eye drops, emulsion (HKD$70，普通藥房有售) 3) HYLO Gel (HKD$ 150, 萬寧有售) 4) HYDRELO Dual Action Lubericant Eye Drop (HKD$180, 購自診所) 5) Tarivid ophthalmic ointment 3.5g (HKD$80, 購自診所) 抗生素藥物： 1） Doxycycline(德霸黴素膠囊)100mg/cap * Doxycycline  是一種「四環素類」的抗生素，治療因細菌感染引起的發炎 營養補充品 （全部自購) 1）Charenda – 葉黃素30+...
1 則留言
閱讀完整內容

[LUSH 新鮮面膜] 超級推薦，最喜愛之LUSH面膜

自從六年前嚟左英國讀書先開始認識Lush呢個牌子，相信大家對佢印象好深刻既原因係因為一路過呢間店舖，一定會聞到超級濃烈既香味。起初，我只覺得它家既產品一定係好重香料，含有好多化學品，得個包裝靚，但原來它家既產品係全天然，無化學同及添加劑！真係好難得，一直以來我用既產品都好少數係全天然呢！試過Lush既幾個產品後，我就愈來愈喜歡，愈買愈多！係英國讀書或嚟英國旅行既你，一定要買嚟試下哦！係英國購買比香港既售價平成一半呢！ 首先要講下我用過既產品， PS：我有d產品忘記左影相，只淨番個盒！ 記住，用完既黑色盒，儲夠5個清洗乾淨既空盒，攞番去任何一間門市，可以免費換購一盒原裝既新鮮面膜！ 1) [新鮮面膜］Brazened Honey  檸檬蜂蜜面膜 75g £6.95 (約$80港幣） 官方資料： 主要成份 : 新鮮的生薑根、西芹、豆蔻和丁香等香薰精華油 功用：亮肌、排毒、去水腫，適合任何肌膚，特別適合睡眠不足及受壓肌膚 個人用後感： 我最喜愛既新鮮面膜！！！我好中意佢既香味，實在係太好聞了！雖然佢既成份係有生薑，但完全無薑既味道，反而好重香薰精油既香味。如果你喜歡精油香味既你，你一定會好中意呢盒面膜。乎完沖洗後，仍然會有陣精油味係面上。呢盒面膜好易推，好濕潤，甚至存放係雪櫃2個星期仍然濕潤。最最最重要係用完佢之後真係睇到效果，面部有光澤左，亮白左，面色明顯好左。係英國既呢個價錢，我覺得有咁既效果不算太貴。我一定會再回購呢盒新鮮面膜！非常推薦！ 推薦：***** 乾爽度：**** 保濕度：** 2） [新鮮面膜］Catastrophe Cosmetic 藍莓新鮮面膜 75g £6.95 (約$80港幣） 官方資料： 主要成份 : 異極礦粉、海洋海藻及玫瑰香薰精華油 功用： 抗氧化、排毒及紓緩暗瘡，適合油性至中性及問題性肌膚 個人用後感： 呢盒面膜唔算得上係我既大愛，但我已經回購左兩次，係因為我男朋友話好中意呢隻面膜，係佢面上大致上好好，味道較清新。可能對於男性既朋友仔們會更喜歡它。我自己就認為呢隻面膜比較乾身，乎係塊面到三，四分鐘就已經掉粉粒，很麻煩呢！不過佢既效果我都頗滿意，都勉強適合油性肌膚的我。乎完洗淨後，皮膚明顯滑左，柔軟左，但會有一層薄薄的膜係你面上，我不太喜歡呢個...
張貼留言
閱讀完整內容